حصريا شرح مصور لكيفيه عمل كفته وشيش وفراخ من مطبخي للمبتدئات

وزك دايما يقول مشويات بره احلى ؟؟ كان زماااان … عشان النهاردة هتبقى استاذه مشويات كفته وشيش وفراخ …لان الاسرار والتكات والحركات هنا عندنا وبس ….

اولا: تتبيه الكفته المشويه اللى هتخلى الكفتة تجنن ..

الطريقه:

لكل كيلو لحمه مفرومه ” ويفضل ضانى زى محلات المشويات لانها دسمه ”  نضيف 2 بصله مفرومه ناعم جدا  ومعصورة من ماء البصل اى التفل فقط …  ثم نضيف ملعقه كبيره ملح  وملعقه صغيره فلفل اسود وبشر جوزة الطيب  وملعقه صغيره بابريكا وملعقه صغيره صلصله طماطم  وملعقه صغيره خل وربع فنجنان عصير ليمون  ونصف كوب بقدونس مفروم ناعم … اعجنى  اللحمه مع كل التوابل دى .. واتركيها فى الثلاجه حوالى 4 ساعات … ثم تصبع على سيخ حديد  .. وتسوى فى فرن سخن .

ثانيا: تتبيله الفراخ المشويه

لكل فرخه مقطعه 8 قطع ونظيفه … نضيف تتبيله عباره عن ” فى الكبه حطى 2 بصله متوسطه الحجم + 2 طماطم بدون قشر + ملح + فلفل + كمون + ربع كوب زيت + ملعقه كبيره كاتشب + نصف كوب زبادى + 4 فص ثوم + ربع كوب خل…  ونترك الفراخ 4 ساعات فى التتبيله ونشويها فى الفرن ..

ثالثا: الشيش طاووق

لكل كيلو فراخ بانيه مكعبات .. نضيف تلك التتبيله ” كوب زبادى +بصله مفرومه + 3 فص ثوم + ملعقه كارى + ملعقه شطه +ملعقه صغيره سماق .. وتترك قطع الدجاج فى التتبيله لمده 4 ساعات ثم توضع فى الاسياخ الخشبيه مع قطع الفلفل والبصل والطماطم .. وتسوى فى الفرن او على الجريل …